pratika atu hatene energia husi reaksaun kimika

belun sira, imi diak ka lae? Kontente tebes tamba Maromak sei fo nafatin nia Grasa no Bensa mai hau, tan ne’e hau sei bele share tan buat balun ba belun sira…..! hau mos fiar katan Maromakmos sempre haraik Nia Bensa no Grasa ba belun sira, hanesan moz hau…..tan ne’e ita tenke agradese nafatin ba Maromak….. hehehehe! Kayanya hau kolia barak liu kona-ba relijuan,,, hahaha J !! diak belun sira, lalika dada lia naruk liutan, mai it aba haree hamutuK prátika kona-ba ENERGIA IHA REASAUN KÍMIKA….!!!!

 

ENERGIA IHA REASAUN KÍMIKA

1. Objetivu
   Atu hatene kona-ba energia iha reasaun kímika.
    
2. Instrumentu

1.  Aparellu  :

• Akua fatin mamuk 3
• Tudik
• Lampu
• Fiu negativu no pozitivu
• Zinco (pregu)3
• Fiu cobre ½ metro
   

1. Reagente :

• Tua siin butir 1
   

1. Prosedimentu

1. Tesi akua mamuk fatin 3
2. Hasai fiu Cobre (Cu) husi nia fiu depois dulas halo hanesan mola 3
3. Kesi fiu negativu ba kobre nia tutun sorin ida
4. Kesi fiu pozitivu ba Zinco (Zn) 
5. Kesi fiu negativu no fiu pozitivu ba Lampu
6. Prepara akua mamuk ne’ebe tesi tiha ona
7. Fui tua siin ba akua mamuk ne’ebe tesi tiha ona
8. Depois hatama Zinco no fiu Cobre nia tutun ba akua laran
9. Haree saida maka akontese no analiza tamba sa mak akontese nune’e ?
    

1. Dados

No.	Reagente	observasaun
1.	Tua siin (Cuka)	fornese energia eletrika liu husi Cobre no Zinco
2.	Cobre (Cu2+)	Fornese carga pozitivu
3.	Zinco (Zn2+)	Fornese carga negativu

 

1. Analiza dados
   Reaksaun tomak entre Cobre (Cu) no Zinco (Zn) mai husi reaksaun rua ne’ebe ketak ketak :
   Zn_(s)               Zn²⁺_(aq) + 2e^-                     no                      Cu²⁺­­_(aq) + 2e^-                          Cu        
    
2. Esplikasaun
   Iha reaksaun entre Zinco(Zn) no Cobre (Cu), Zinco husik eletron  rua no Cobre simu eletron rua ne’ebe maka hanesan. Iha reaksaun ne’e, Zinco hetan Oxidasaun. Maibe, se la iha Cobre sei la akontese buat ida.
   Cobre sai hanesan ajente Oksidante tanba Cobre maka provoka Redusaun husi Zinco. Ajente oksidante maka ida ne’ebe simu eletron ne’ebe mai husi espesie ne’ebe hetan  oksidasaun.
   Sementara Cobre hetan redusaun tanba Cobre simu eletron rua. Espesie ne’ebe fo eletron hanaran ajente redutor. Iha reaksaun ne’e, redutor maka Zinco.
    
   Iha esperimentu ida ne’e, tua siin ne’ebe ense iha kopu laran ne’e, bainhira ita hatama Cobre no Zinco ba laran, tua siin ne’e sei fornese energia eletrika. Tua siin sei fornese karga pozitivu liu husi Cobre no karga negativu  liu husi zinco, no sei lori liu husi fiu no ikus mai lampu sai lakan.
    
3. Konkluzaun
   Reaksaun entre Cobre(Cu) no Zinco (Zn) bainhira reage tan ho tua siin, sei hamosu / fornese energia eletrika.
   Iha pratika ida ne’e, nia konkluzaun maka : reaksaun kímika bele hamosu energia eletrika.
    
   liu husi prátika hamosu perguntas barak iha ita nia hanoin. hau sente liu husi buat hirak ne’e bele haklean liutan ita nia  kapasidade iha parte kímika nian.
   hau nia sujestaun maka, sei di’ak liutan se ita halo beibeik prátika sira hanesan ne’e, tanba hau sente katak, disiplina kímika ne’e  laos atu aprende teoria  de’it, maibe ita tenke prátika bei-beik. Tan ne’e ba belun CIÊNCIAS NATURAIS sira, ita tenke pratika bei-beik atu nune’e bele amenta liutan ita nia koñesimentu . laos ba dixiplina kímika deita, maibe ba mos dixiplina sira seluk, hanesan Físika, biologia  no geologia.
    
   Diak to ba ne’e deit ita nia shering… J ita sei hasoru malu tan iha edisaun seluk…. Até próxima edição…..adeusssss !!!